+12 °С
Ямғыр
Антитеррор
Бөтә яңылыҡтар
29 Ноябрь 2019, 17:20

Аҡсаң ялған түгелме?

Башҡортостан биләмәһендә ялған аҡсалар йөрөүен дауам итә. Әйләнешкә индерелгән ялған 1000 һәм 5000 һумлыҡ аҡсалар араһында үтә теүәл ҡорамалдарҙа баҫылған 5000 һумлыҡтар күпселекте тәшкил итеүе асыҡланған.Гознак предприятиеһында етештерелмәгән ялған аҡса бер-береһенә йәбештерелгән ике ҡат ҡағыҙҙан ғибәрәт. Уны түбәндәге билдәләрҙән айырырға була:

  • “һыу” билдәһе монохром электрофотография юлы менән ике ҡағыҙҙың береһенә эс яҡтан мисәтләп төшөрөп имитацияланған;
  • “сумыусы” һаҡлағыс еп монохром тонер өҫтөнә фольгалау юлы менән имитацияланған;
  • Микроперфорация аҡсаның ал яғына осло әйбер менән тишкесләп имитацияланған;
  • Алғы һәм артҡы яғындағы һүрәттәр ағымлы ысул менән баҫылған.
    • Был төр ялған аҡсаларҙы ысындарынан айырыусы төп билдәләр:
    1. Ялған аҡсаларҙағы “һыу” билдәһе һүрәте ҡыйышыраҡ.
    2. Яҡтыға ҡуйып ҡарағанда һаҡлағыс еп имитацияһында полимер ерлектең сиге күренмәй. “5000 ЦБР” тигән яҙыуҙың тик тура һәм баштүбән рәүештәгеләре генә төшөрөлгән.
    3. Рәсәй Банкы эмблемаһы төҫтәре тура ҡуйып һәм ҡырынайтып ҡарағанда ысын аҡсалағы ошондай уҡ элемент төҫөнән айырыла. Ҙурайтып ҡарағанда ялған аҡсала элемент нескә параллель өҙөк һыҙыҡтарҙан торғаны күренә.
    4. Алғы һәм артҡы яҡтарҙағы һүрәттәр яҡтыға ҡуйып ҡарағанда бер-береһенә тап килмәй.
    5. Ысын аҡсаларҙа ал яҡта аҫҡы уң яҡ мөйөштә, аҡсаны ҡырынайтып, төрлө яҡтан төшкән яҡты аҫтына ҡуйып ҡарағанда РР (Российский рубль) тигән яҙыу уҡыла. Был кипп-эффект ялған аҡсала юҡ. Ысын аҡсаларҙа, ультрафиолет яҡтыртҡыс аҫтында ҡарағанда, ал яҡта тар ғына купон һыҙатына баҫылған серия номеры ҡыҙыл булып баҙлай.
    6. Ультрафиолет нур аҫтында ҡыҙыл һәм асыҡ йәшел һаҡлағыс епсәләр ҡыҙыл һәм һарғылт-йәшел төҫ менән баҙлай (люменесцет баҙлау). Ялған аҡсаларҙа микроепсәләр ҡыҙыл булып баҙламай, йәиһә бөтөнләй баҙламай.
      7. Ысын аҡсаларҙың уң яғындағы “5000” һанының микроперфорацияһы кескәй генә диаметрлы тишектәрҙән тора һәм яҡтыға ҡуйып ҡарағанда ғына күренә. Ялған аҡсаларҙа иһә перфорация шул урынды осло әйбер менән тишкеләп яһала һәм тишелгән урын арт яҡлап ҡытыршы булып тора, ә ысын аҡсала ул шыма була.
      Әгәр аҡса ошо һанап үтелгән билдәләрҙең береһе йәки бер нисәһе буйынса ялған һымаҡ тойолһа,
      • Шундуҡ полиция хеҙмәткәрен саҡыртыу сараһын күрергә (телефондан, тревога төймәһен файҙаланырға тырышып);
      • Ялған аҡса менән иҫәпләшкән кешенең төҫ-ҡиәфәтен, машинаһын, ҡайһы яҡҡа киткәнен иҫләп ҡалырға тырышырға;
      • Шәхси һаҡ предприятиеһы булһа, был кешене тотоу яйын ҡарарға;
      • Аҡсаны кире бирмәҫкә;
      • Аҡсаның серияһын, номерын, алынған көнөн, сәғәтен яҙып алып, 5000 һумлыҡ аҡсаларҙың иҫәп журналын алып барырға кәрәк.
        • Ильяс РӘХМӘТУЛЛИН,
        Район эске эштәр бүлеге начальнигы, полиция подполковнигы.
        Читайте нас:

        © 2020-2024 Башҡортостан Республикаһы Ғафури районы муниципаль районының "Табын" ижтимағи-сәйәси гәзите. Копирование информации сайта разрешено только с письменного согласия администрации.

        Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.
        Телефон
        8(34740)2-16-31
        Электрон почта
        Адресы
        453050, Республика Башкортостан,Гафурийский район, улица Фрунзе,33
        Реклама хеҙмәте
        8(34740)2-15-25
        Редакция
        8(34740)2-16-31
        Кадрҙар бүлеге
        8(34740)2-21-59
        Яндекс.Метрика