Ҡупшы шыршы тирәләй

Октябрь революцияһына тиклем Раштыуа байрамы Яңы йыл алдынан, 25 декабрҙә байрам ителә. Хәҙер ул 7 ғинуарҙа үткәрелә. Раштыуа – кешеләрҙе изге эштәргә илһамландырған, халыҡтың берләшеүенә булышлыҡ иткән бөйөк христиан байрамы ул. Ошо көндә Красноусол ауылының М.Ғафури майҙанында ла байрам сараһы ойошторолдо.

Район мәҙәниәт һарайы хеҙмәткәрҙәре байрамды йыр-моң менән тулыландырһа, Балалар ижады үҙәге хеҙмәткәрҙәре төрлө уйындар уйнатып, кескәйҙәрҙең күңелен күреп, уларға тәмле-татлы кәнфиттәр таратты. Әкиәт геройҙары байрам сараһына йыйылыусыларға төрлө тамаша күрһәтте. Сараны алып барыусы Гөлназ Мирхәйҙәрова халыҡҡа район хакимиәте башлығы Фәнзил Фәйез улы Сыңғыҙовтың ихлас ҡотлау һүҙҙәрен еткерҙе. Һуңынан балалар ҡупшы шыршы тирәләй бейеп, йырлап күңел асты. Көнө лә, барыһының теләген тормошҡа ашырайым тигәндәй, йылы, сағыу булды.
Был байрам кешеләрҙе изге эштәргә өндәй, иғтибарыбыҙҙы ярҙамға мохтаж, ауырлыҡтар алдында юғалып ҡалыусыларға йүнәлтергә, шәфҡәтлелек, миһырбанлыҡ, ғәҙеллеккә саҡыра. Оҙайлы ҡышҡы ялда балалаларға атай-әсәйҙәр менән бергә боҙ ҡаласығында күңелле итеп ял итеү ҙә һәйбәт тәьҫораттар ҡалдырып, күтәренке кәйеф тыуҙырғандыр.
Изге байрамдан һәр йортҡа шатлыҡ нурҙары ғына бөркөлөп, тыуған яғыбыҙҙа төрлө милләт, дин вәкилдәре һәр саҡ шулай дуҫ һәм татыу йәшәйек.
Әлфиә ВӘЛИЕВА.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59