Ватанда “Етегән” байрамы

Күп милләтле Родина-Ватан ауылы халҡы, барыбыҙ бер оло ғаилә кеүек, татыубыҙ. Ошо татыу ғаиләлә үҙ милләтебеҙҙең, халҡыбыҙҙың йолаларын, телен, динен, ғөрөф-ғәҙәтен йәштәргә, балаларға тапшырыуҙы маҡсат итеп ҡуйып, күп эштәр алып барабыҙ.

Ошондай эштәрҙең береһе - Башҡорт ғаиләһе көнөнә арналған “Етегән” байрамы өсөнсө йыл рәттән үткәрелде.
Был эштә ауылдың ағинәйҙәре, “Йәншишмә” төркөмө балалары әүҙем булдылар. “Етегән” байрамы “Алтын тирмә” уйыны менән башланып, икенсе өлөшөндә ағинәйҙәр һәм балалар концерт күрһәтте. Сараға ут күршебеҙ Заречный ауылы ҡатын-ҡыҙҙарын һәм район Ағинәйҙәр ойошмаһы етәксеһе Рәмзиә Монасипованы саҡырҙыҡ. Бер йыйылғанда Заречный ауылында Ағинәйҙәр ойошмаһы төҙөлдө һәм уның етәксеһе итеп ауыл старостаһы вазифаһын да башҡарыусы Мәрйәм Әхмәтйәнова һайланды.
“Алтын тирмә” уйынынан күренеүенсә, күп белеүсе йәш быуын үҫеп килә, мәрәйҙәрҙе улар күберәк йыйҙы. Матур байрам сараһынан һуң сәй табыны артында һөйләшеп, ҡара-ҡаршы йырҙар йырлашып, күңелгә дәрттәр өҫтәлеп таралыштыҡ.
Фәүзиә ҠОТЛОГИЛДИНА,
Ватан ауылы Ағинәйҙәр ойошмаһы етәксеһе.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59