+14 °С
Болотло
Антитеррор
Бөтә яңылыҡтар
30 Апрель 2020, 23:10

Диктант яҙҙыҡ

Башҡорт телендә диктанттан Ватан ауылы ағинәйҙәре лә ситтә ҡалманы, һәр кем үҙ өйөндә рәхәтләнеп диктант яҙҙы. Фәүзиә Ҡотлогилдина, Тәнзилә Йәрмөхәмәтова, Фәнүзә Латипова, Флүрә апай Шәрипова диктанттың өс вариантын да яҙһа, Рима Ғилманова ике вариантын, ә Нурия Юлмөхәмәтова, Рәсимә Батыршина, Әлфиә Ғәбиҙуллина һәм Флүрә Фәйзуллина үҙҙәре оҡшатҡан берәр вариантын яҙҙы. Телде һаҡлау буйынса изге эшкә беҙ ҙә үҙ өлөшөбөҙҙө кереттек.

Диктант буйынса тәьҫораттарым менән дә бүлешәйем бер яҙғанда. БСТ каналында бер ерҙән генә диктант яҙҙырыу бик тә отошло тип уйлайым. Был тәжрибәне карантин булмаған саҡтарҙа ла ҡулланыу кәрәк. Әйтеп яҙҙырыусылар ҙа оҡшаны, текст та бик яҡшы, фәһемле. Тик диктантты бәләкәй класс уҡыусылары яҙа алмай, сөнки өлгөрә алмайҙар, улар өсөн һүҙҙәр ҙә ҡатмарлыраҡ. Тап улар өсөн башланғыс кластар кимәлендә лә булһын ине. Балалар бит беҙҙең киләсәгебеҙ - шуны онотмайыҡ!
Фәүзиә Ҡотлогилдина,
Родина - Ватан ауылы ағинәйҙәре етәксеһе.
Читайте нас: