+19 °С
Болотло
Антитеррор
Бөтә яңылыҡтар
30 Август 2020, 19:25

Уңайлы ла, матур ҙа... 23 августа районда берҙәм мәктәп формаһы йәрминкәһе үтте

Республикала берҙәм мәктәп формаһын индереү буйынса эштәр бара. 2020–2021 уҡыу йылында берҙәм формаға пилот проектында ҡатнашыусы Әбйәлил, Благовар, Федоровка, Яңауыл, Әлшәй һәм Ғафури районының 1–5-се класс уҡыусылары кейенәсәк.

Балаларҙың теләген дә, техник талаптарҙы ла иҫәпкә алған мәктәп формаһы коллекцияһын Башҡортостандың еңел сәнәғәт ассоциацияһы һәм Өфө дәүләт нефть- техник университеты әҙерләгән.
Етештереүселәр әйтеүенсә, мәктәп формаһы өсөн сифатлы тәбиғи туҡымалар ҡулланылған. Хаҡтары 3–3,5 мең һум тирәһе. Яңы форманың үҙенсәлеге – республика символикаһытөшөрөлгән шевронды ҡулланыу. Ата-әсәләр араһында аңлатыу эшен район мәғариф бүлеге июндә үк башланы. Райондың һәр мәктәбендә мәктәп формаһының дизайны, уңайлылығы, ҡулланыласаҡ туҡымалар тураһында проект презентациялары үтте. Ата-әсәләрҙең күпселеге берҙәм формаға ыңғай ҡарашын белдереп, ул уҡыусыларҙың тышҡы ҡиәфәткә иғтибарын кәметәсәк, тәртипкә һәм йыйнаҡлыҡҡа өйрәтәсәк тип иҫәпләй.
Уҙған йәкшәмбелә Красноусолдағы 2-се мәктәптә етештереүселәр район мәғариф бүлеге менән берлектә ойошторған йәрминкәлә 300-ҙән ашыу ата-әсә яңы мәктәп формаһын алыу мөмкинлегенә эйә булды (һүрәттә) . Тимәк, яңы уҡыу йылында 1-5-се класс уҡыусыларының күпселеге мәктәпкә уңайлы ла, матур ҙа мәктәп формаһында барасаҡ.
Рәшиҙә КИЛМӨХӘМӘТОВА,
методик бүлек мөдире.
Читайте нас: