Акция үтте

Был датаға Балалар ижады үҙәге лә иғтибарһыҙ ҡалманы. Акцияның төп маҡсаты – ВИЧ инфекцияһы һәм СПИД проблемаһына иғтибарҙы йәлеп итеү ине. Бөтә Рәсәй “Туҡта ВИЧ-СПИД” акцияһы сиктәрендә Балалар ижады үҙәге (директоры Р.Н.Кинйәбаев) педагогтары ижади төркөмдәрҙә мәғлүмәт-аңлатыу саралары, әңгәмәләр ойошторҙо һәм алып барҙы, “СПИД тураһында нимә беләһегеҙ”, “Тормош ул – матурлыҡ” роликтарын ҡаранылар. Акция барышында ирекмәндәр мәктәп уҡыусыларына тематик йөкмәткеле бук-леттар һәм таҫмалы значоктар тараттылар. Улар хәүеф менән янаған ауырыу тураһында онотмаҫҡа, сирле кешеләрҙең ярҙамға һәм иғтибарға мохтаж булыуын, үҙ сәләмәтлегеңә һаҡсыл ҡарарға кәрәклекте белгерттеләр.Әлфиә НАСИРОВА,Балалар ижады үҙәге методисы.