Иң матур боҙ ҡаласығы ҡайһы ихатала булыр?

Конкурста ҡатнашыу өсөн яҡтылыҡ элементтары ҡулланып, боҙ йәки ҡар һындарҙы байрамса биҙәргә кәрәк.
Конкурс комиссияһы боҙ ҡаласыҡтарын ҡарап сығып, уның художестволы, шулай уҡ үҙенсәлекле биҙәлешенә; инновациялы ҡарауға; яҡтылыҡ менән биҙәүгә; балалар һәм ғаиләләр эшләгән уйынсыҡтар ҡулланылыуға; эргә-тирә биләмәне лә биҙәүгә (скульптур композициялар һәм ҡар һындары, әкиәт персонаждары, таусыҡтар, катоктар булыуы); таҙалыҡ һәм хәүефһеҙлек тәьмин ителеүгә; тау ҡаласығы тураһында киң мәғлүмәт сараларында, социаль селтәрҙәрҙә яҡтыртылыуына ҡарап баһалаясаҡ.