Янғын һүндереү машинаһы кәрәк

Яңы Бурлы ауылында 31 йорт булып, унда барлығы 85 кеше йәшәй. Үҙ-ара бик татыубыҙ. Йәй көнө инде ҡалалағы ауылдаштар ҙа ҡайтып төшһәләр күмәк булып китәбеҙ. Төрлө мәҙәни саралар гөрләп үтә торған клубыбыҙ 2019 йылда янып, клубһыҙ тороп ҡалдыҡ, әлдә районыбыҙ ярҙамһыҙ ҡалдырманы, ваҡытлыса бер өйҙө клуб урынына файҙаланыр өсөн юллап алып бирҙе.

Ауылыбыҙ Табын ауыл биләмәһенә ҡарай. Биләмәнең янғын һүндереү машинаһы бик иҫке. Беҙҙең клуб янғандан һуң Табын ауылында ла янғын сығып, йәш ғаилә йортһоҙ ҡалды, уға тиклем Родина-Ватан ауылында ла янғын булған ине. Унда янғын төнө менән башланып китеп, һарайҙары, барлыҡ бесәне һәм эсендәге мал-тыуары, ҡош-ҡорто менән янып бәхетһеҙ осраҡ булды. Ана шундай ваҡыттарҙа беҙҙең ауыл биләмәһенә яңы янғын һүндереү машинаһы кәрәк. Иҫкеһе күптән инде үҙ вазифаһын үтәп шалтырап бөткән, ҡойолоп төшөргә тора. Янғын һүндереү машинаһының булыуы ут менән көрәшкәндә халыҡ милкен һаҡлап ҡалыуға ярҙам итер ине. Шуның өсөн дә “ППМИ -21”-ҙә нимә алырға тип оҙаҡ уйлап торманыҡ, яңы клуб бик кәрәк булһа ла, йыйылышта тәү сиратта кәрәк булған “УАЗ” машинаһы нигеҙендә эшләнгән янғын һүндереү машинаһы алыр өсөн берҙәм тауыш бирҙек.
Хөкүмәтебеҙ үҙе ярҙам тәҡдим итеп торғанда беҙ был ярҙамсы программаны күтәреп алдыҡ. Конкурста еңеп сығыр өсөн ҡулдан килгән эштәребеҙҙе эшләп ҡатнашып, янғын һүндереү машинаһына эйә булырбыҙ тип ныҡлы ышанабыҙ.
Рәйлә МЫРҘАҒОЛОВА.
Яңы Бурлы ауылы.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59