+24 °С
Болотло
Антитеррор
Бөтә яңылыҡтар
2 Апрель 2021, 18:30

Афарин, Аделина!

Нияз Мәжитов исемендәге Красноусол башҡорт гимназия-интернатының 11-се класс уҡыусыһы Аделина Вафина (һүрәттә) ауыл йәштәре һәм уҡыусыларҙың “Агро-Йәшлек-2021” фәнни проекттар конкурсы финалында республикала 2-се урынға лайыҡ булған.

Конкурстың йомғаҡлау сараһы 24 мартта Өфөлә 31-се халыҡ-ара АгроКомплекс махсуслаштырыл-ған күргәҙмәһе сиктәрендә үтә. Аделина Вафина “Амарант үҫтереүҙең перспективалары һәм хужалыҡ ҡиммәте” тигән темаға фәнни-тикшереү проектын уңышлы яҡлап, 2-се дәрәжә Диплом һәм компьютер креслоһы менән бүләкләнгән.
Был Аделинаның тәүге еңеүе түгел, тырыш ҡыҙ уҙған йыл ошо уҡ конкурста өсөнсө урын алғайны. Шулай уҡ быйылғы уҡыу йылында “Юннат-2020” Бөтә Рәсәй конкурсының төбәк этабында еңеүсе булып, республика Фән һәм мәғариф министрлығының Маҡтау грамотаһына лайыҡ була. Ғилми эҙләнеү эше менән күптән шөғөлләнгән Аделинаға артабан да яңы еңеүҙәр теләйбеҙ.
Читайте нас: