+21 °С
Болотло
Антитеррор
Бөтә яңылыҡтар
5 Апрель 2021, 14:30

Ашламаны айыра бел

Баҡсасылар күберәк ашламаларҙың ике төрөн: органик ашла­маларҙы һәм минераль ашламаларҙы ҡуллана. Органик ашламаларға тиреҫ, торф, үҫемлек ҡалдыҡтары, се­регән сүп-сар инә.

Тиреҫ - баҡсаның уңышын күтәреүҙә төп ашлама, ул туҡлыҡлы матдәләргә (азот, фосфор, калий һ.б.) бик бай була. Тиреҫтең тарҡалыуынан барлыҡҡа килгән серетмә лә үҫемлектәргә файҙалы.
Торф үҫемлек ҡалдыҡтарынан хасил була, әсе тупраҡлы ерҙәр өсөн ул – апмаштырғыһыҙ ашлама.
Минераль ашламалар сәнәғәт предприятиеларында етеште­релә, азот, фосфор, калий матдәләре ҡатнашмалары төп мине­раль ашламалар һанала.
Азот ашламалары аҡ төҫтәге аммиак селитраһы, мочевина - үҫемлектәрҙең буйға үҫеүен тиҙләтә.
Фосфор һәм калий ашламалары һабаҡты нығыта, емештәрҙең, йәшелсәләрҙең, игендең уңышын күтәрергә, сифа­тын яҡшыртырға ярҙам итә. Фосфор ашламалары - һорғолт төҫтәге суперфосфат, икеләтелгән суперфосфат. Калий ашлама­лары ҡыҙғылт төҫтә була, улар - хлорлы калий, калий тоҙо, калий сульфаты.
Читайте нас: