+9 °С
Ясна
Антитеррор
Бөтә яңылыҡтар
4 Май 2021, 19:10

«Сәләмәтлек поезы» - Үзбәк ауылында

Башҡортостанда өсөнсө тапҡырға башланған “Сәләмәтлек поезы” акцияһы беҙҙең районда халыҡты ҡабул итә. 4 – 5 майҙа Өфө һәм Стәрлетамаҡ ҡалалары табиптары Үзбәк ауылында эшләй.Еҙем-Ҡаран ауыл биләмәһе хакимиәте Үзбәк ауыл мәҙәниәт йорто хеҙмәткәрҙәре, ағинәйҙәр менән берлектә ҡунаҡтарҙы икмәк-тоҙ, ҡымыҙ, йыр-моң менән ҡаршы алдылар. Табиптарға күренергә теләүселәр, улар араһында күрше ауылдар халҡы ла бар, алдан уҡ килеп торғандар. Еҙем-Ҡаран ауыл биләмәһе башлығы Миңнира Сәғит ҡыҙы Шәйәхмәтова әйтеүенсә, бөгөн табиптар ярайһы күп кешене ҡабул итеп өлгөргәндәр. Бигерәк тә кардиологҡа күренергә теләүселәр күп булған. Биләмәнең башҡа ауылдарынан барырға теләүселәргә транспорт менән ярҙам итәбеҙ. Беренсе көн ҡабул итеүҙән халыҡ ҡәнәғәт ҡалды. Сөнки ауылдан ситкә сығып юғары квалификациялы табиптарҙа медицина тикшереүе үтергә күптәрҙең мөмкинселеге юҡ, -тине Миңнира Сәғит ҡыҙы.

Ҡабул итеүгә килеүселәрҙең үҙҙәре менән паспорты, мотлаҡ медицина страховка полисы булырға тейеш. Белгестәр барыһын да ҡабул итеп, ентекләп тикшерә, ҡан баҫымын, сатурацияны үлсәй, лаборатор тикшереү өсөн ҡан анализын ала, тикшереү һөҙөмтәләре буйынса дауалау сараларын билдәләй. Шулай уҡ коронавирусҡа ҡаршы вакцина эшләтергә лә була.
Читайте нас: