Ҡәҙер кисе тураһында

Рамаҙан айының һуңғы ун көнө һәм төндәре Ҡәҙер кисе арҡаһында айырым урын алып тора.Ҡәҙер кисе – ул Рамаҙандың 21, 23, 25, 27, 29-сы төндәренең береһе. Ниндәй төндә икәнен Аллаһ Тәғәлә сер итеп ҡалдырған. Шулай булмаһа, кешеләр Рамаҙан айының бөтә көндәрендә һәм төндәрендә вайымһыҙ йөрөрҙәр ҙә, Ҡәҙер кисәһендә генә ғибәҙәткә керешерҙәр ине. Ә бит Аллаһ Тәғәлә беҙҙең “бер көнлөк” , йә “бер төнлөк” мосолман булыуыбыҙҙы теләмәй, ә беҙҙең төҙәлеүебеҙҙе талап итә.

Ҡәҙер кисе – йылдың иң бөйөк төнө, сөнки унда ҡылынған ғибәҙәттәр мең ай, йәғни 80 йыллыҡ ғибәҙәттәрҙән дә өҫтөн: “Ысынлап та, Беҙ уны (Ҡөрьәнде) Ҡәҙер кисендә индерҙек. Ҡәҙер кисенең нимә икәнен һиңә нимә белдерер? Ҡәҙер кисе мең айҙан да хәйерлерәк. Ул төндө Раббыларының рөхсәтенән төрлө эштәр өсөн күктән фәрештәләр һәм Рух төшә. Ул – таң атҡанға тиклем тыныслыҡ”, - тиелгән Ҡөрьәндә (“Ҡәҙер” сүрәһе, 97: 1 – 5 аяттар).

Ҡәҙер кисенән “ятып ҡалмаҫ” өсөн, Рамаҙандың бөтә һуңғы төндәрендә лә тырышайыҡ.

“Кем Ҡәҙер кисендә ныҡлы иман һәм биреләсәк сауапҡа тулы өмөт менән намаҙҙарҙы ҡылһа, шуның бынан алда булған гонаһтары ғәфү ителер”, тиелгән хәҙистә.

Кем Рамаҙан айының башында вайымһыҙ булды, кем уның һуңғы көндәрендә лә ғибәҙәттәрҙә тырышманы – шул, исмаһам, Ҡәҙер кисенән ятып ҡалмаһын – һәр кистә тәрәүихтәрен ҡылып, доға һәм зикерҙәрҙә тырышһын!

Пәйғәмбәребеҙ (с.ғ.в.) ҡатыны Ғәйшәгә ошо кистәрҙә әйтелә торған доғаны өйрәтте һәм “Йә, Аллаһ! Һин Ғәфү итеүсе, ғәфү итеүҙе яратаһың, мине лә ғәфү итсе!”- тип йыш әйтергә ҡушты.

Илһам хәҙрәт ЙОСОПОВ,

Имам-мөхтәсиб.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59