Иң яҡшы почтальондар бүләкләнде

Кисә, 17 майҙа Ғафури районы хакимиәте Ғафури мәғлүмәт үҙәге менән берлектә иғлан иткән "Ғафури районының иң яҡшы почтальоны - 2020" район конкурсына йомғаҡ яһалды. Еңеүселәр Талбазы почта бүлексәһе мәғлүмәттәренә ярашлы, "Табын" һәм "Звезда" район гәзиттәренә иң күп кеше яҙҙырған почтальондар араһында билдәләнде. Шулай итеп, "Подписка оҫтаһы" исеменә һәм 1-се урынға Сәйетбаба почта бүлексәһе почтальоны Зөлфиә Ғәләүетдинова, 2-се урынға - Гөлнара Сәғитова (Еҙем-Ҡаран), 3-сө урындарға - Гөлдәр Фәхриева (Сәйетбаба) һәм Римма Зәйнуллина (Бурлы) лайыҡ булды. Почтальондарға район хакимиәте башлығы Фәнзил Фәйез улы Сыңғыҙов Дипломдар һәм иҫтәлекле бүләктәр тапшырҙы.