+17 °С
Болотло
Антитеррор
Бөтә яңылыҡтар
1 Июнь 2021, 19:40

“Онотолмаҫ йылдар һәм юлдар”

Ошо көндәрҙә районыбыҙҙың киң билдәле шәхесе, Бөйөк Ватан һуғышы ветераны, ике тиҫтәнән ашыу китап авторы Вилдан Шәриповтың тағы бер – “Онотолмаҫ йылдар һәм юлдар” тип аталған китабы донъя күрҙе. Тыуған яҡ, ватансылыҡ, илһөйәрлек, эш кешеһенә дан йырлау, мөхәббәт – былар барыһы ла шағир-фронтовиктың ижадында лайыҡлы урын алған.

Был китапта “Замандаштар һәм ҡәләмдәштәремдең әйтер һүҙҙәре”, “Үҙем тураһында үҙем” бүлектәрендә төрлө йылдарҙа гәзит биттәрендә баҫылған ҡайһы бер мәҡәләләр, бик күп шиғырҙары урын алған. Йөҙ йәшенә бер арауыҡ ҡалған һуғыш һәм хеҙмәт ветераны ижады менән Аллаһы Тәғәлә биргән ғүмерҙең ҡәҙерен белеү, уны юҡ-барға сарыф итмәйенсә йәшәү өлгөһөн күрһәтә. Һәр ваҡыт матурлыҡҡа, яҡшыға табынырға өндәй. Уның ижады менән ҡыҙыҡһыныусылар был китапта хисле шағир - Вилдан Әйүп улының биографияһы менән тулыһынса таныша ала.
Читайте нас: