+29 °С
Болотло
Антитеррор
Бөтә яңылыҡтар
15 Июнь 2021, 14:55

Рәсәйҙең тулы хоҡуҡлы граждандары

11 июндә район хакимиәте бинаһында матур йолаға ярашлы, районыбыҙҙың ике йәш гражданына (2007 йылғылар) тантаналы шарттарҙа паспорттар тапшырылды. Күптән түгел, йәғни 2 июндә 14 йәштәре тулған Бурлы ауылынан Рузалина Ғәлиева менән Красноусолдан Тимур Әбдрәшитов тәүге шәхес документтарын ҡулдарына алып, ошо көндән Рәсәйҙең тулы хоҡуҡлы гражданы булды.

Рәсәй көнө уңайынан район хакимиәте башлығының эш кабинетында уҙған тантанала йәш граждандарҙы шәхсән Фәнзил Сыңғыҙов һәм район миграция хеҙмәте начальнигы Ольга Фролова тәбрикләне. Ә паспорт хужалары улар ҡулынан ҙур ғорурлыҡ менән тәүге шәхес таныҡлыҡтарын ҡабул итеп алдылар. Сарала район хакимиәте башлығының социаль мәсьәләләр буйынса урынбаҫары вазифаһын башҡарыусы Рәмил Кинйәбаев ҡатнашты. Балаларының шатлығын уртаҡлашырға атай-әсәйҙәре лә килгәйне. Йәш граждандарға иҫтә ҡалырлыҡ көндәрендә иҫтәлекле бүләктәр тапшырылды.
Читайте нас: