Сәләмәтлек мөмкинлектәре сиклеләр өсөн

Бөгөн Радий Хәбиров үҙенең социаль селтәрҙәрҙәге сәхифәһендә сәләмәтлек мөмкинлектәре сикле кешеләргә медицина ярҙамы күрһәтәсәк 49 автомобилдең республика райондарына юлланыуы тураһында хәбәр итте. Шулай уҡ пациенттарға өйҙәрендә паллиатив ярҙам күрһәтеү өсөн һәм күсмә патронат хеҙмәттәргә техника алынған.Төбәк етәксеһе яҙыуынса, был проект ил Президенты Владимир Путин башланғыс биргән ҙур программаны тормошҡа ашырыу сиктәрендә эшләнә. Программаға ярашлы, республика 16 млрд һум ярҙам алған һәм 2024 йылға тиклем һаулыҡ һағының беренсел звеноһын модернизациялауға тоноласаҡ.