Хаттар яҙҙым йәйге селләлә

Быйыл уңыш иртәрәк өлгөргәнлектән баҡса эше, емеш-еләк йыйыу, бесән әҙерләү кеүек төрлө мәшәҡәттәр менән йәйҙең июль айы ла үтеп бара. Тәбиғәттең йәмле, матур мәле кешеләрҙе үҙенә нығыраҡ арбағанғамылыр, был айҙа хаттар ағымы ла кәмене. Гәзит уҡыусыларҙан яҙма рәүештә 40, электрон форматта 317 хат алдыҡ.

Был осорҙа килгән хаттарҙан Игенйылға ауылынан Зилә Сәйетбатталова, Ҡурғашлынан Хәсән Ҡотов, Ибраһим ауылынан Фәйез Садиҡов, Ҡарағай ауылынан Тәғзимә Салауатова уңған, хөрмәтле кешеләр тураһында яҙһа, Красноусолдағы 2-се мәктәптең инновациялар буйынса методисы Рәшиҙә Килмөхәмәтова мәктәп тормошо, Н.Мәжитов исемендәге Красноусол башҡорт гимназия-интернаты уҡытыусыһы Юлай Мәүлетҡоловтың “Ғафури, Мәжитов уҡыуҙары”, Ҡормантау ауылынан мәғариф һәм хеҙмәт ветераны Рим Исламғолов һабаҡташтары, коллегаһы хаҡында яҙған матур, йөкмәткеле хаттары гәзит битендә донъя күрҙе лә инде. Уларға артабан да бәйләнеште өҙмәй, яҙышып тороуҙарын теләп ҡалабыҙ.
Йәйҙең мәшәҡәттәре дауам итә. Шулай ҙа әүҙем хәбәрселәребеҙ беҙҙең менән бәйләнеште өҙмәҫ тип уйлайбыҙ. Гәзитте килгән хаттар ҙа тулыландырыуын онотмағыҙ, хаттар яҙып тороғоҙ, хөрмәтле гәзит уҡыусылар!
Хаттар бүлеге.

Хаттар яҙҙым йәйге селләлә

Автор:Альфия Валиева

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59