Тормош уртаһында ҡайнап йәшәй

Красноусол ауылында йәшәүсе Бөйөк Ватан һуғышы һәм хеҙмәт ветераны 94 йәшлек Ғәбдрәхим Саттар улы Садиҡов өсөн Еңеү көнө – иң изге, ҙур байрам. Тап ошо байрам көнө алдынан төрлө урындарҙа, мәктәптәрҙә, балалар баҡсаларында Батырлыҡ дәрестәре, Хәтер кисәләре үтә. Ветеран тормош уртаһында ҡайнап йәшәй, үҫеп килеүсе йәш быуынды илһөйәрлек рухында тәрбиәләүҙә әүҙемлек күрһәтә - уҡыусылар, йәштәр менән ошондай осрашыуҙарға йөрөй. Балалары, ейән-ейәнсәрҙәре, бүлә-бүләсәрҙәренә лә һуғыш хәтирәләре менән уртаҡлаша.