Ҡош киҙеүе

Кеше уны сирле ҡоштарҙан, ҡайһы бер осраҡтарҙа йорт хайуандарынан, мәҫәлән, бесәйҙәрҙән йоҡтора. Ҡоштарҙа киҙеүҙең билдәләре: сирле ҡоштоң тын алышы, хәрәкәтләнеүе ауырлаша, йүткерә, сөскөрә башлай, суҡыштарынан шыйыҡлыҡ аға, тауыҡтарҙың кикереге һәм алҡаһы күгәрә.

Ҡош киҙеүенең кешегә йоғоу юлдары: хужалыҡта булған сирле ҡошто ҡарағанда һауа аша һәм уның итен ашағанда. Сирле ҡоштарҙың бүлендектәре (күҙенән, танауынан аҡҡан шыйыҡса, тиҙәге) бигерәк тә зарарлы, сөнки улар һауаға һәм һыуға эләгә, тимәк, һыу ингәндә лә был сирҙе йоҡторорға мөмкин. Һыуҙағы вирус 1 ай һуҙымында, температура түбән булғанда тағы ла оҙағыраҡ һаҡлана. Ҡош итен һәм йомортҡаны аҙыҡҡа ҡулланғанда тейешле кимәлдә бешереп еткермәү ҙә сирҙең башланыуына сәбәпсе була.

Ҡош киҙеүе вирусына тышҡы мөхит факторҙары, бигерәк тә түбән температура, тәьҫир итмәй. Уны дезинфекция саралары, ультрафиолет нурҙар һәм юғары температура менән генә юҡ итергә мөмкин. Бүлмә температураһында вирус 2 айға тиклем һаҡлана, ҡояш нурҙары аҫтында 2 тәүлектә, +70-80 градуста бер нисә минут эсендә үлә.

Профилактика саралары:

Ҡош үрсетеүсе хужалыҡтар, предприятиелар, шәхси хужалыҡтарҙа, фатирҙарҙа һәм баҡса йорттарында ҡош аҫраусылар тәү сиратта уларҙы ҡырағай ҡоштарҙан араларға тейештәр. Тағы ла бер һөҙөмтәле сара – ҡоштарҙы вакцинациялау. Кешегә был сирҙе йоҡтормау өсөн санкцияланмаған һатыу урындарынан ҡош ите һатып алмаҫҡа кәрәк.

Ҡоштарҙа сирҙең билдәләре йәки үлгән ҡоштар күренеү менән, йә булмаһа сифаты тураһында ветеринар документтары булмаған ҡош ите һәм йомортҡа һатыу урындары тураһында кисекмәҫтән дәүләт ветеринар хеҙмәте телефондарына 2-10-71, 2-14-64, 8-800-77-55-828 номерҙары буйынса хәбәр итеү мотлаҡ.