Хаттар яҙып тороғоҙ

Ғинуар, февраль, март айҙарында гәзит уҡыусыларыбыҙҙан 109 хат-хәбәр алдыҡ. Был айҙарҙа килгән хаттарҙың төрлө темаға бай булыуы ла һөйөнөслө. Ике хат яуап алыу маҡсатында урындағы етәкселәргә ебәрелеп, әле яуап алынмаған. Өсәүһе архивҡа һалынды. Теркәлгән хаттар исемлегендә яңы исем-шәрифтәрҙең күренеүенә шатланып, йәш дуҫтарыбыҙ гәзитебеҙҙең тоғро дуҫына әйләнер тигән өмөттә ҡалабыҙ.

Гөлнур Яҡупова призына мәктәп уҡыусылары араһында барған “Өмөтлө ҡәләм”гә килгән ижади эштәр ҙә арта. Ҡайһы бер уҡытыусыларҙың уҡыусыларының ижади һәләтен арттырыуға, дәртен күтәреүгә етди иғтибар бүлеүен дә әйтеп китергә кәрәк.

Ер ҡарҙан әрселеп, яҙғы эштәр, мәшәҡәттәр ҙә артып, баҡса эштәре лә башланды. Ауылдарҙы таҙартыу, төҙөкләндереү, емеш-йәшелсә үҫтереү серҙәре тураһында ла яҙығыҙ. Еңеү көнөнә лә күп ҡалманы, был темаға үҙ уй-фекерегеҙҙе оҙаҡҡа һуҙмай, үткәндәрҙә яҡты эҙҙәр ҡалдырған, атай-әсәйҙәр, өләсәй-олатайҙар тураһында күңел төбөндә йөрөткән кисерештәрегеҙҙе ҡағыҙға төшөрөп, хатығыҙҙы тиҙерәк ебәрергә тырышығыҙ.

Гәзиттең географияһы бай, йөкмәткеле, күркәм булһын өсөн һәр мөйөштән, төбәктән хаттар килеп торһон ине. Мөмкинлектәре булғандар электрон почтаға ла ебәрә ала.

Ижади бәйләнеш өҙөлмәһен, хаттар яҙығыҙ беҙгә, хөрмәтле гәзит уҡыусыларыбыҙ.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59