-13 °С
Ҡар
Антитеррор
Бөтә яңылыҡтар
Хаттар
17 Сентябрь 2019, 11:24

“Ҡурай сәскәһе” лагерында

22–28 июлдә район Балалар ижады үҙәге тәрбиәләнеүселәре өҫтәлмә белем биреү педагогтары Айгөл Фәйзуллина һәм Наталия Шәйҙуллина етәкселегендә “Ҡурай сәскәһе” крайҙы өйрәнеүсе йәш туристар республика ялан профилле лагерында булып ҡайтты.

Бай һәм ҡыҙыҡлы лагерь программаһы йәш крайҙы өйрәнеүселәргә белемдәрен, һөнәрҙәрен арттырырға, яңы дуҫтар табырға, рәхәтләнеп күңел асырға, ял итергә лә мөмкинлек бирҙе. Лагерҙа Өфө, Салауат ҡалаларынан, Дыуан, Ғафури, Өфө райондарынан һәм Ҡаҙағстандан 9 команда крайҙы өйрәнеү, турист күнекмәләре буйынса ярыштарҙа ҡатнашты. “Оҫталар ҡаласығы” конкурсында балалар оҫталыҡ дәрестәре уҙғарҙы, декоратив-ҡулланма сәнғәт әйберҙәренән күргәҙмәләр ойошторҙо. Аҡманай күленә сәйәхәт йәш туристар өсөн ҡыҙыҡлы ла, фәһемле лә булды.

Ярыш һөҙөмтәләре лә шатландырҙы: Балалар ижады үҙәге тәрбиәләнеүселәре “Оҫталар ҡаласығы” номинацияһында 1-се, крайҙы өйрәнеү маршрутында – 2-се, халыҡ йолаларында – 2-се, халыҡ бейеүҙәрендә – 2-се, дөйөм республика буйынса 3-сө урынды алып Маҡтау грамоталары һәм бүләктәр менән наградланды.

Лагерҙа үткән көндәр онотолмаҫлыҡ матур хәтирәләр ҡалдырҙы. Балаларҙың унда алған күнекмәләре артабан да кәрәк булыр тип ышанғы килә.

Әлфиә Насирова,

Балалар ижады үҙәге методисы.

Читайте нас в