“Комендант сәғәте” күҙәтеләме?

“Төнгө ваҡытта” 17 йәше тулмаған бәлиғ булмаған граждандар ата-әсәһе йәки законлы вәкилдәре оҙатыуынан тыш йәмәғәт урындарында булырға тейеш түгел. “Төнгө ваҡыт” тип йәйге осорҙа (1 майҙан 30 сентябргә тиклем) урындағы ваҡыт менән 23 сәғәттән таңғы сәғәт 6-ға, ә ҡышҡы осорҙа (1 октябрҙән 31 апрелгәсә) 22 сәғәттән 6 сәғәткә тиклем ваҡыт иҫәпләнә.
Йәмәғәт урыны тип урамдар, стадиондар, майҙандар, балалар һәм спорт майҙансыҡтары, пляждар, скверҙар, ихаталар һәм күп фатирлы йорттарҙағы дөйөм файҙаланыу урындары, йәмәғәт транспорты, вокзал биналары һәм биләмәләре, йылға порттары, аэропорттар, зыяраттар, интернет-кафелар һанала.
Полиция хеҙмәткәрҙәре төнгө ваҡытта йәмәғәт урынында законлы вәкилдәренән башҡа йөрөгән бәлиғ булмаған үҫмерҙе осратһа, улар шәхесен һәм йәмәғәт урынында йөрөүенең сәбәбен асыҡлау өсөн полиция бүлегенә килтерелә. Законлы вәкил йәки уларҙы алмаштырған кешеләр РФ КоАП-ының 5.35-се статьяһы буйынса яуаплылыҡҡа тарттырыла. Ата-әсәгә йәки законлы вәкилдәргә ҡарата вазифалы кешеләр тарафынан административ протокол төҙөлөп, артабан ҡарау өсөн улар йәшәгән урындағы бәлиғ булмағандар эштәре һәм уларҙың хоҡуҡтарын яҡлау буйынса комиссияға ебәрелә.