“Әкиәттә ҡунаҡта”

14 декабрь - Башҡорт теле көнөндә Красноусол башҡорт гимназия-интернатында йыл һайын “Әкиәттә ҡунаҡта” бәйгеһе үткәрелә. Быйыл да унда 1-4-се класс уҡыусылары ҡатнашты. Башта алып барыусылар һорау-яуап рәүешендә тамашасы уҡыусыларҙың белемдәрен тикшерҙеләр, төрлө ҡыҙыҡлы уйындар ҙа уйнаттылар. Бәйгелә 1 “А” класы – “Ға-ға энә менән ҡойо ҡаҙа”, 1 “Б” класы – “Кәзә менән Бүре”, 2 “А” класы – “Кем минең әсәйем?”, 2 “Б” класы – “Айыухас менән Айыукәс”, 3 “А” класы – “Бөҙрәкәй”,

3 “Б” класы – “Терпекәй мажаралары”, 4 “А” класы – “Хәйләкәр төлкө”, 4 “Б” класы “Мыраубай дуҫтарын эҙләй” әкиәттәрен сәхнәләштерҙе.

Һөҙөмтәлә, 2 “А” класы – Гран-при, 1 “А”, 1 “Б”, 3 “А”, 4 “Б” кластары – I урын, 2 “Б”, 3 “Б”, 4 “А” кластары II урын яуланылар. Иң кескәйҙәр - 1-се класс уҡыусыларының ысын күңелдән килештереп уйнауҙары тулҡынландырғыс булды.

3 “А” класы уҡыусыһы Алһыу Ғәлимова “Иң яҡшы ҡатын-ҡыҙ”, ә 1 “Б” класы уҡыусыһы Айнур Байрамғолов “Иң яҡшы ир-егет” ролен башҡарыусы тип танылдылар. Бәйге “Әкиәт иле” йыры менән йомғаҡланды.

Милли рух менән һуғарылған был бәйге уҡыусылар өсөн файҙалы һәм ҡыҙыҡлы булды.