Студенттар – туған мәктәбендә

Ҡыштың һалҡын көндәрендә йылы осрашыуҙар үтеүсән Сәйетбаба мәктәбендә. Ул да булһа, ошо мәктәпте тамамлап, төрлө тарафтарҙа белем, һөнәр алып йөрөүсе студенттарҙың әлеге мәлдә ЕГЭ, ОГЭ тапшырырға, ниндәй һөнәр һайларға, уҡырға ҡайҙа барырға тип уйланған сығарылыш класы уҡыусылары менән традицион осрашыуы ул.

Йола буйынса быйыл да туған мәктәбенең саҡырыуына Салауат, Стәрлетамаҡ, Өфө ҡалаларының юғары һәм урта махсус уҡыу йорттарында беренсе, икенсе, өсөнсө курстарҙа белем алып йөрөүсе ун бишләп студент килде. Улар үҙҙәренең уҡыу йорттары, буласаҡ һөнәрҙәре, йәшәү шарттары һәм башҡа үҙенсәлектәре тураһында һөйләп үтте. Уҡыусылар иһә ниндәй фәндән ЕГЭ биреү отошло булыуын, күпме балл йыйыу шарт икәнен, ятаҡтарҙың торошо, стипендия күләме, тағы ниндәй һөнәргә уҡырға мөмкинлек барлығы, киләсәккә пландары менән ҡыҙыҡһындылар. Мәртәбәле ҡунаҡ- Башҡорт дәүләт педагогия университетында һәм Башҡорт дәүләт университетында студенттарға белем биреүгә арнаған педагогия фәндәре кандидаты Миңниә Вәлиева ҡасандыр ошо мәктәпте тамамлап, тәүге хеҙмәт юлын да ошонда уҡытыусы булып башлауын һөйләп үтте, буласаҡ абитуриенттарға кәңәштәр бирҙе, изге теләктәр еткерҙе.

Әңгәмә бик йәнле барҙы, уҡыусылар музыкаль сәләм дә әҙерләгән, кисә

һуңында күңелле дискотека ойошторолдо. Илебеҙҙең киләсәге булған йәштәр

халҡына файҙа һәм игелек килтерер тип ышанабыҙ.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59