Ниндәй һабантуй йыр-моңһоҙ, дәртле бейеүҙәрһеҙ булһын!

Тантаналы өлөштән һуң, һабантуйға килеүселәр район мәҙәниәт һарайы артистарының, ансамблдәрҙең, ауыл клубтары әҙерләгән концерт номерҙарын, музыкаль-хореографик композицияларҙы ҡарап кинәнде.
Һабантуй байрамын йәмләп, тамашасыларҙың күңелдәрен күтәргән, көслө алҡыштарына күмелгән сығыштарҙы ҡарағандан һуң, беренсе урын Ҡауарҙы ауыл биләмәһе һәүәҫкәрҙәренә (Юлыҡ, Һабай, Ҡауарҙы ауылдары мәҙәниәт йорттары, биләмә хакимиәте, мәктәп хеҙмәткәрҙәре, уҡыусылар, балалар ҡатнашты) бирелде. 2-се урынды Сәйетбаба ауыл мәҙәниәт йорто, 3-сөнө еҙемҡарандар яуланы. Ауыл клубтары араһында толпарҙарға етеүсе булманы. Барыһы ла ҡиммәтле бүләктәргә лайыҡ булды. Бурлы һәм Яңғыҙҡайын мәҙәниәт йорттарына дәртләндереү бүләктәре бирелде.