-20 °С
Болотло
Антитеррор
Бөтә яңылыҡтар
Мәҙәниәт һәм әҙәбиәт
8 Декабрь 2016, 17:17

Яңы китап сыҡты: "Өләсәйҙә ҡунаҡта"

Һуңғы йылдарҙа әүҙем ижад итеүсе Фәүзиә Ҡотлогилдина йәнә бер китап баҫтырып сығарҙы.

Стәрлетамаҡ ҡала типографияһында үҙнәшер юлы менән донъя күргән "Өләсәйҙә ҡунаҡта” тип аталған китапты автор өс бүлеккә бүлгән. Тәүгеһе – "Өләсәйҙең шиғри һыйҙары” тип атала һәм унда Фәүзиә апайҙың балалар өсөн яҙған шиғырҙары, шиғри әкиәттәре һәм заманса йомаҡтары урын алған. "Асылырҙар әле бөрөләр” тигән икенсе бүлектә иһә автор үҙенең ейән-ейәнсәрҙәренең ижадына урын биргән. "Их, өләсәй булыуҙары рәхәт икән!” тигән бүлеккә өләсәй үҙенең ете ейән-ейәнсәренә төбәп яҙған шиғырҙарын индергән. Китап өләсәй һәм ейән-ейәнсәрҙәрҙең төрлө сараларҙа, бергәләп эш эшләгәндә һ.б. төшкән сағыу фотоһүрәттәр менән биҙәлгән.