-10 °С
Болотло
Антитеррор
Бөтә яңылыҡтар

Сәхнәлә “Үтеп барышлай”

Яңғыҙҡайын ауылының “Мираҫ” халыҡ театры йылдағыса тырышып әҙерләнгән. …Сәхнәлә тимер юл вокзалы, поезд тауыштары яңғырап тора, ара-тирә поездарҙың килеүен хәбәр итеү ишетелә. Вокзалда халыҡ күп, кемдер йоҡлай, ҡайһыһы йөрөп ята.

Бер ситтәрәк һуғыш ветераны Шәйхулла бабай (Риф Бикбаев) ултыра. Орден-миҙалдар таҡҡан бабайға күптәр ҡарап үтә. Араларында аҡса яратҡан бурҙар Флорид (Филүс Сабитов) менән Фәниә (Рәүилә Мусина) бабайҙың эс-бауырына кереп, аҡсаһын, документтарын урлайҙар. Ауылдан килгән ябай бабай нишләргә лә белмәй. Смоленскиҙа йәшәгән яуҙаш дуҫына нисек тә барырға кәрәк. Хатта орден-миҙалдарын һатып поезға билет алырға уйлай. Килеп сыҡмай. Наградалары тағылған пинжәген ҡосаҡлап, теҙләнеп: “Эх, Василий, Василек, осрашманыҡ. Хуш, бәхил бул, Василий”, - тип башын түбән эйә.

Һәүәҫкәр артистар барыһы ла образдарын оҫта асып бирҙе. Бигерәк тә Риф Бикбаевтың үҙенсәлекле уйнауы таң ҡалдырҙы.

“Мираҫ” халыҡ театрына 15 йәш. Улар йыл да иҫтә ҡалырлыҡ спектаклдәр менән һөйөндөрә. Тамашасылар үҙ һәүәҫкәрҙәрен йылы ҡабул иттеләр.
Читайте нас в