-23 °С
Болотло
Антитеррор
Бөтә яңылыҡтар

Сит ил ҡунаҡтары

“Асанай” фольклор ансамбле даны алыҫтарға таралған инде. Бында атҡаҙанған мәҙәниәт хеҙмәткәре, композитор, музыкант Илһам Байбулдиндың эшмәкәрлеге ҙур роль уйнай тиергә мөмкин. Интернет селтәре аша уның һәм "Асанай" төркөмөнөң ҡаҙаныштары менән танышып, “ВАFS” Халыҡ-ара химик концерндың өҫтөнлөклө клиенттар менән эшләү бүлеге менеджеры Рауил Рафаэль улы Баязитов бәйләнешкә сыҡҡайны.

Оҙаҡламай Калуга, Новочеркасск, Павлов Посад, Тольятти, Яр Саллы һәм Рәсәйҙең башҡа төбәктәренән, шулай уҡ Германиянан йыйылған коллегалары менән Сәйетбаба ауылына килеп тә етте. Улар башҡорт халҡының көй-моңдары, тормош-көнкүреше, биҙәү-ҡулланма сәнғәте өлгөләре, милли аш-һыу төрлөлөгө менән танышты, һоҡланды. "Асанай" ансамбле сығышын бик яраттылар, сит телдәр уҡытыусыһы, тәржемәсе Әлфиә Степанова башҡарыуында халыҡ йырҙарын, И.Байбулдиндың ҡурай, думбыра моңдарын ҡат-ҡат һорап тыңланылар.