Радий Хәбиров Башҡортостанда «Ауыл мәҙәниәт хеҙмәткәре» программаһының башланыуы тураһында белдерҙе

Бөгөн Өфөлә «АРТ-Ҡоролтай» беренсе мәҙәниәт форумында Радий Хәбиров «Ауыл мәҙәниәт хеҙмәткәре» программаһы буйынса бойороҡҡа ҡул ҡуйыуын белдерҙе. Көҙҙән башлап ауыл учреждениелары хеҙмәткәрҙәренә 500 мең һумлыҡ тәүге 60 грант тапшырыла. Рәсәй Федерацияһының барлыҡ субъекттары муниципалитеттарында ошо дәүләт ярҙамы программаһын бик көтәләр.Өфөнөң «Торатау» конгресс-холында «АРТ-Ҡоролтай»ҙың «Традицияларҙы һаҡлап, киләсәкте төҙөйбөҙ» пленар ултырышы бара. Унда Башҡортостан Республикаһы Башлығы Радий Хәбиров, Рәсәй мәҙәниәт министрының беренсе урынбаҫары Ольга Казакова, Рәсәйҙең мәҙәниәт министры урынбаҫары Ольга Ярилова, илдең Халыҡ ижады йорто директоры Тамара Пуртова, CIOFF президенты Филипп Боссан, Башҡортостандан сенатор Лилиә Ғүмәрова, Башҡортостандың мәҙәниәт министры Әминә Шафиҡова ҡатнаша.