Таҫмалай һуҙылған юлдар

Районыбыҙҙың төньяҡ өлөшөндә ятҡан Ҡарағай ауылынан Имәндәшкә табан асфальт һалыныуы шатлыҡлы күренеш. Халыҡ та был уңайлылыҡты ҡыуанып ҡаршыланы. Шул йәһәттән Ерек-Сәйетбаба юлында ла соҡор-саҡырҙарҙы ямау, ремонтлау эштәре берҙәм барҙы. Командировка мәлендә бер төркөм эшселәр: юл мастеры Ирик Стукалов, бригадир Сергей Федосеев, Рушан Ибәтуллин, Наил Бәхтейәров, Игорь Петров, Дим Мөхәмәтханов, Альберт Йәноҙаҡов, шофер Слава Барановты эш мәлендә тап иттек.
Юлдар – районыбыҙ көҙгөһө тип юҡҡа әйтмәйҙәр бит. Юлдарыбыҙ таҫмалай шыма булып һуҙылып ятһын өсөн күп көс һалған, тырышып эшләгән Юл төҙөү-ремонтлау идаралығы етәкселеге, хеҙмәткәрҙәре һис шикһеҙ маҡтауға лайыҡ.