-16 °С
Болотло
Бөтә яңылыҡтар
Яңылыҡтар
3 Декабрь 2021, 15:45
Яҡташыбыҙ, техник фәндәр докторы Әбүбәкер Әхмәҙулла улы Ишмырҙинға бөгөн 85 йәш
Әбүбәкер Әхмәҙулла улы Ишмырҙин 1936 йылдың 3 декабрендә Ғафури районы Сәйетбаба ауылында тыуған. Үҙ ауылында урта белем алғас, Өфө нефть институтына уҡырға инә һәм уны «тау инженеры» һөнәре буйынса 1959 йылда уңышлы тамамлай. Үҙаллы хеҙмәт юлын шул уҡ йылда «Башвостокнефтеразведка» тресында быраулаусы ярҙамсыһы булып башлай. 1960 йылдан «Башнефтегеофизика» берләшмәһенең үҙәк лабораторияһында инженер, 1961 йылдан «Башнефтепроект» институнда инженер, өлкән инженер булып эшләй. 1967-1969 йылдарҙа «Башнефть» берекмәһендә өлкән инженер һәм төркөм етәксеһе вазифаларын башҡара.
Яҡташыбыҙ, техник фәндәр докторы Әбүбәкер Әхмәҙулла улы Ишмырҙинға бөгөн 85 йәш
1969-1970 йылдар В.И.Ленин исемендәге Ҡаҙағстан политехник институты аспирантураһын, 1970-1971 йылдар Мәскәүҙә И.М.Губкин исемендәге халыҡ-хужалығы һәм газ сәнәғәте институтында аспирантураны тамамлағас, Өфө нефть институтында (1990 йылдан Өфө дәүләт нефть техник университеты) фән өлкәһендә эш башлай. 1974 йыл уҡытыу эшенә күсеп, ассистент була. 1976 йылдан - өлкән уҡытыусы. 1980 йылдан - доцент, 2000 йыл - техник фәндәр докторы, 2001 йыл - кафедрала профессор. Әбүбәкер Әхмәҙулла улы 120-нән ашыу фәнни хеҙмәт һәм 34 уйлап табыу авторы.
Хеҙмәттәре өсөн 2004 йылда Рәсәй Федерацияһы Яғыулыҡ һәм энергетика сәнәғәте министрлығының Маҡтау ҡағыҙы менән бүләкләнгән, 2005 йылда Башҡортостан Республикаһының атҡаҙанған уйлап табыусыһы тигән маҡтаулы исем бирелгән.
Яҡташыбыҙ, техник фәндәр докторы Әбүбәкер Әхмәҙулла улы Ишмырҙинға бөгөн 85 йәш
Новости партнеров