“Батыр”ҙар һынатманы

27 ноябрҙә Ишембай ҡалаһында үҫмерҙәр араһында Республика беренселегенә ҡул һуғышы ярышы үтте. Төрлө ҡала, райондарҙан килгән 11 команда составында 236 спортсы ҡатнашты.

Был сарала районыбыҙ данын "Батыр” үҫмерҙәр хәрби-патриотик клубы ағзалары лайыҡлы яҡланы. Көсөргәнешле бәйге һөҙөмтәләре буйынса 55 кг ауырлыҡта 14-15 йәштәгеләр араһында Динар Ваһапов (КБГИ) 1-се урынды, ошо уҡ ауырлыҡта 13-14 йәшлектәр араһында Денис Ураҙғолов (3-сө мәктәп) – 2-се, 50 кг-ға тиклем ауырлыҡта 14-15 йәштәгеләр араһында Камил Шаймарҙанов (КБГИ) – 3-сө, 35 кг-ға тиклем ауырлыҡта 12-13 йәшлектәр араһында Әлфир Нәзиров (3-сө мәктәп) – 3-сө, 60 кг-ға тиклем ауырлыҡта 16-17 йәшлектәр араһында Илдар Ураҙғолов (3-сө мәктәп) – 3-сө (тренерҙары – Илдар Абыҙгилдин), 45 кг-ға тик-лем ауырлыҡта 11-12 йәшлектәр араһында Александр Зимин (Табын мәктәбе, тренеры – Николай Николаев) 3-сө урындарҙы яуланы. Шулай уҡ Динар Ваһапов ҡул һуғышы буйынса 1-се разряд нормативын үтәүгә өлгәште.

"Батыр” клубы спортсылары ошо ярышта ҡатнашырға ярҙам иткән район хакимиәтенең йәштәр сәйәсәте бүлеге етәксеһе Лариса Дәүләтшинаға, мәғариф бүлеге етәксеһе Зөһрә Әхтәмоваға, 3-сө мәктәп директоры Сергей Рудкевичҡа, минераль һыу ҡойоу заводы управляющийы Салауат Йосоповҡа, сик буйы ғәскәрҙәре ветерандары ойошмаһы рәйесе Ришат Шаймарҙановҡа сикһеҙ рәхмәттәрен еткерә.