Баскетбол – мауыҡтырғыс уйын

Баскетбол ярышында районыбыҙҙың 14 командаһы ҡатнашты. Бәйгелә күпселекте егеттәр командалары (11) тәшкил итеп, тап уларҙың уйындары сәмлелеге менән ылыҡтырып торҙо. Беренсе урын өсөн төркөмдәрҙә еңгән Красноусол башҡорт гимназия-интернаты, 1-се мәктәп һәм һуңғы 4 йылдың алыштырғыһыҙ еңеүселәре 2-се мәктәп командалары ярышты. 2-се мәктәп командаһының тәжрибәһе һәм оҫталығы 1-се мәктәп командаһын 24:19, ә КБГИ командаһын 27:22 иҫәбе менән еңергә мөмкинлек бирҙе. Икенсе урын өсөн уйын да көсөргәнешле барҙы. Овертаймдың иң һуңғы секундында 1-се мәктәп командаһы алға сығып, гимназистарҙы 37:36 иҫәбе менән еңеүгә өлгәште. Турнирҙың иң яҡшы уйынсыһы тип Рәмил Еникеев табылды.

Ҡыҙҙар баскетбол лигаһы командалары араһында иң яҡшы команда исеме өсөн уйын-

да Аҡкүл мәктәбе, 1-се һәм 3-сө мәктәп командалары көс һынашты. Турнир еңеүсеһе – 1-се мәктәп командаһы булһа, Аҡкүл мәктәбе – икенсе, 3-сө мәктәп командаһы өсөнсө урынды алды. Рәйсә Балтаева (1-се мәктәп) ҡыҙҙар араһындағы турнирҙың иң яҡшы уйынсыһы булды.

“Һары-ҡыҙыл туп” респуб-лика ярышының 2-се төркөм этабының мәктәп баскетбол лигаһы турнирында 1-се мәктәптең малайҙары һәм ҡыҙҙары еңеп сыҡты.

Оҙаҡ йылдар һуҙымында баскетболсылар тәрбиәләгән тренерҙар: Ф.З.Алтынбаев, В.В.Батыршин, Е.Г.Иванов, Р.Р.Сөләймәнов, С.Г.Шаров, М.Р.Шәмсетдинов, А.В.Яковлевҡа ҡотлау һәм рәхмәт һүҙҙәре еткерҙе спортсылар.