Шамил Латиповтың яҡты рухына

15 майҙа Еҙем-Ҡаран урта мәктәбендә бар ғүмерен физкультура уҡытыуға арнаған, билдәле спортсы-волейболсы, тренер, “Башҡортостан Республикаһының мәғариф алдынғыһы” – бынан ике йыл элек мәрхүм булған Шамил Әхтәм улы Латипов иҫтәлегенә волейбол турниры үтте. Районыбыҙ волейболсылары уның яҡты рухын волейбол уйнап, хөрмәтләп иҫкә алдылар. Ауылдың ихтирамлы кешеһе, мәктәптең алыштырғыһыҙ физкультура уҡытыусыһы, спортта күптәрҙең остазы булған спортсының хәтер сараһы ра-йон спорт комитеты, Еҙем-Ҡаран ауыл биләмәһе, мәктәп коллективы, Шамил Әхтәм улының дуҫтары, уҡыусыларының дөйөм тырышлығы менән ҙурлап уҙғарылды.

Спорт сараһы Еҙем-Ҡаран мәктәбенең волейбол майҙансығында үтте. Турнирҙа Еҙем-Ҡаран, Бурлы, Ҡауарҙы, Сәйетбаба ауыл биләмәләре, Красноусол ауылы йыйылма командалары ҡатнашты. Ярыш сәмле, ҡыҙыҡлы барҙы. Һөҙөмтәлә, дөйөм иҫәп буйынса еҙемҡарандар командаһы еңеүе менән тамамланды. Красноусолдар – 2-се, Ҡауарҙы ауыл биләмәһе 3-сө урынды яуланы. “Иң өлкән уйынсы” номинацияһында Еҙем-Ҡарандан волейбол ветераны 62 йәшлек Раил Йомағолов, “Иң яҡшы һөжүм итеүсе” – Красноусолдан Салауат Фәхретдинов, “Иң яҡшы һаҡлаусы” - Юлыҡтан Айҙар Кәримов билдәләнде.
Еңеүсе командалар район спорт комитеты әҙерләгән турнирҙың күсмә кубогы, миҙалдар менән бүләкләнде.

Шамил Латиповтың яҡты рухына

Автор:Индира Ишкина

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59