-10 °С
Болотло
Бөтә яңылыҡтар
Йәмғиәт
28 Сентябрь 2018, 13:15
Ғафури улы
Хәләл күкрәк көсөн төрлө зәһәр елдәргә ҡаршы ҡуйып, тыуған халҡым, һөйөклө милләтем тип хәҡиҡәт юлында арымай-талмай йөрөүсе, үҙенең аҡыллы, тәрбиәле булыуы менән республикабыҙҙың киләсәген, халҡыбыҙҙың яҙмышын күрә белеүсе, тырыш хеҙмәте менән танылыу яулаған Ниязбай Булатбай улын хөрмәтләп, ғаиләһенең именлеген теләп, шиғри юлдар әленән-әле, үҙенән-үҙе тел осона килә. Телдән төшмәҫ «Ир-егеттең аҫылы - ил эшендә танылыр» тигән мәҡәлгә йәнә «Ил өмөтөн ир аҡлар» тип тә өҫтәге килә.
Эйе, аҡланы Ниязбай Булатбай улы халҡының ышанысын, төрлө вазифалы урындарында ла хеҙмәте менән күренекле булып, билдәлелек яуланы.
«Табын», «Йәшлек» газеталары үҙаллы баҫма булып, милләтебеҙгә хеҙмәт итеүендә уның фиҙаҡәрлеге күренде. Уға район ғына түгел, республикабыҙ халҡы ла рәхмәтле, шуға ул хөрмәтле лә.
Афарин, Ғафури улы - яҡташыбыҙ Ниязбай
Юл өҫтөндә балҡып ултыра
Яугилде - йәмле ауыл.
Башҡортостан - республикама
Үҫтереп бирҙе данлы ул.
Һирпелә интеллигентлыҡ-
Тыйнаҡ, баҫалҡы үҙе.
Милләт йөҙөн күрһәтә
Аҡыллы уйсан йөҙө.
Онотолған сәсәндәрҙе
Йәшәтә ул тергеҙеп.
Исемдәрен халыҡҡа
Ынйы-мәрйендәй теҙеп.
Ил яҙмышын башҡаларҙан
Алдан күрә белгәнгә,
Ҡоштар кеүек, ғәзиз халҡын
Туплап тора гел бергә.
Республикам үҙаллылығына
Күп көс һалған ыласын ир.
Милли баҫмаларыбыҙҙа
Иң беренсе мөхәррир.
Һынау ҡуя - талап итә
Еңел булмаған заман.
Хәстәр күреп хәл итә
Булдыҡлы ир-уҙаман.
Юғары вазифаларҙа
Ил өмөтөн аҡлайһың.
Халҡың хөрмәт иткәнгә
Йондоҙ булып балҡыйһың.
Өйөлгән изге эштәрең
Күренеп торған тауҙай.
Рухи ҡиммәттәргә лә бай
Яҡташыбыҙ Ниязбай.
Читайте нас в
"© 2020 Башҡортостан Республикаһы Ғафури районы муниципаль районының "Табын" ижтимағи-сәйәси гәзите.
Копирование информации сайта разрешено только с письменного согласия администрации.
Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.
Телефон
8(34740)2-16-31
Электрон почта
Адресы
453050, Республика Башкортостан,Гафурийский район, улица Фрунзе,33
Реклама хеҙмәте
8(34740)2-15-25
Редакция
8(34740)2-16-31
Кадрҙар бүлеге
8(34740)2-21-59