Ҡыҙҙар күберәк тыуған

Ошо осорҙа Ғафури районында 51 ғаилә барлыҡҡа килеп, 27 никах тарҡалды. 90 бала донъяға килде, шуның 40-ы – малай, 50-һе – ҡыҙҙар. 24 ғаиләлә тәүге сабыйҙары донъяға ауаз һалһа, 31-ендә – икенсе, 16-һында – өсөнсө, 19 ғаиләлә дүртенсе һәм унан күберәк балалар тыуҙы. 12 сабый ата-әсәһе никахлашмаған, 10-ы яңғыҙ әсәйҙәрҙән донъяға килде.

Атай-әсәйҙәр сабыйҙарына Аяз, Батыр, Ильдан, Имран, Эмир, Аника, Айсулпан, Зара, Сөмбөл, Самина, Пелагея, Мирослава, Ясмина, Лаврентий тигән һирәк осраған исемдәр ҡушты.

Районыбыҙҙың 4 кешеһе исем-шәрифен, йәки атаһының исемен үҙгәртте.

Ҡыҙғанысҡа ҡаршы, тыуымға ҡарағанда үлем күберәк булды. Ошо осорҙа 136 үлем осрағы теркәлеп, 81 ир-ат, 55 ҡатын-ҡыҙ мәрхүм булған, үҙ-үҙенә ҡул һалыу осрағы – 2-әү.

8 ғаилә пары Башҡортостан Республикаһы Башлығының иҫтәлекле бүләгенә һәм Ҡотлау адресына лайыҡ булды. Шуның 2-һе – 60 йыл, 4-һе 50 йыл никахта йәшәүселәр.