Беҙ – спортсы ғаилә!

Спорт – ул һаулыҡ, Спорт – татыулыҡ,Спорт – ул йәшәү нигеҙе.Спорт бәйгеһе берләштерә,Беҙҙең ғаиләләрҙе! – тип Красноусол башҡорт гимназия-интернатында спорт байрамы башланып китте. “Атай, әсәй һәм мин – спорт һөйөүсе ғаилә” сараһы гимназияның матур йолаһына әүерелеп бара. Быйыл да беренсе “А” һәм “Б” кластары һәм уларҙың ата-әсәләре араһында ярыш уҙғарҙыҡ.

1 “А” класынан Вадим Хисаметдинов, Самира Ноғайғолова, Айҙар Алтынсурин һәм 1 “Б” класынан Ынйы Ваһапова, Айгиз Бикбулатов, Динара Юнысова ата-әсәйҙәре менән ярыш һыҙығына баҫты.

Сараны ойоштороусы 5 “А” класс уҡыусылары Элина Урманшина менән Диана Рәхимова ярышты асып, үҙҙәрен таныштырыу өсөн командаларға һүҙ бирҙе.

Командаларға исем, девиз, атлетик йәки гимнастик сығыш әҙерләргә кәрәк ине. Һәр ғаилә ярыштың беренсе төрөнә бик яуаплы әҙерләнгән. Тәжрибәле физкультура уҡытыусыһы Марат Юнысов ярыш төрҙәрен ҡыҙыҡлы итеп ойошторҙо, йәшәү хәүефһеҙлеге нигеҙҙәре фәнен уҡытҡан тәжрибәле уҡытыусы Ришат Уразғолов ярышта ҡатнашыусыларҙың ваҡытын, тиҙлеген иҫәпләп барҙы.

Һәр ҡатнашҡан командаға абруйлы жюри тарафынан урындар бүленеп, номинациялар буйынса Маҡтау ҡағыҙҙары тапшырылды. Беренсе урынға Ваһаповтар, уларҙан әҙгә генә ҡалышып, икенсегә - Хисаметдиновтар, өсөнсө урынға Алтынсуриндар, “Иң берҙәм ғаилә” номинацияһына Ноғайғоловтар, “Иң етеҙ ғаилә” – Бикбулатовтар, “Иң ҡыйыу ғаилә” номинацияһына Юнысовтар ғаиләһе лайыҡ булды.

Сәмле ярыш ата-әсәләрҙең, балаларҙың, янып-көйөп ултырған уҡыусыларҙың да күңелен күтәреп, икенсе һулыштарын асты.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59