Бөйөк юлбашсыны иҫкә алып

Заманында 22 апрелдә бөйөк юлбашсы Владимир Ильич Лениндың тыуған көнө киң билдәләнә ине. Мәктәптәрҙә уҡыусыларҙы пионерға алып, уларға ҡыҙыл галстуктар бәйләйҙәр, комсомол ойошмалары яңы сафҡа баҫҡандарҙың түштәренә Ҡыҙыл Байраҡҡа Ленин портреты төшөрөлгән значокты тағалар. Һәр кем үҙендә ғорурлыҡ тойғоһо кисереп, тырышып уҡырға, һәйбәт кеше булырға ант бирә. Ошо көн алдынан һәр ерҙә дөйөм шәмбе өмәләре лә үтә торғайны.

Быйыл да 22 апрелдә Красноусолда В.И.Лениндың тыуыуына 149 йыл тулыу айҡанлы тантаналы митинг булып үтте. Унда район етәкселәре, ветерандар, район коммунистары ҡатнашты. КПРФ-тың район бүлексәһе етәксеһе Фәриҙә Арыҫланова Лениндың тормош юлына, сәйәси эшмәкәрлегенә байҡау яһаны. Бер төркөм әүҙемселәргә китап тапшырҙы. Муниципаль район хакимиәте башлығы Фәнзил Фәйез улы Сыңғыҙов иҫтәлекле көн менән ҡотлап, тарихты белергә, онотмаҫҡа, әммә сәйәси ваҡиғаға ла әүерелдермәҫкә саҡырҙы.

Тантаналы сара бөйөк юлбашсы һәйкәленә сәскә һалыу менән тамамланды. СССР осоронда тыуғандар бер-береһе менән аралашты, ул осорҙағы хәтирәләрҙе иҫкә алды.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59