Красноусолда - “Бала саҡ” аллеяһы

“Ағас ултырт – йәшәү бүләк ит!” акцияһында ғафуриҙар 35 мең ағас ултыртҡан 27 апрелдә республикала иғлан ителгән “Йәшел Башҡортостан” ағас ултыртыу өмәһенә ғафуриҙар ҙа битараф ҡалманы. Акцияның “Ағас ултырт – йәшәү бүләк ит!” девизына ҡушылып, район ауылдарында меңәрләгән кеше өмәгә сыҡты.

Акцияны “Миләшкәй” балалар баҡсаһында “Бала саҡ” аллеяһын ултыртып район хакимиәте хеҙмәткәрҙәре башлап ебәрҙе. Аллеяға тәүге ағасты районға эш сәфәре менән килгән БР Ер һәм милек мөнәсәбәттәре министры вазифаһын башҡарыусы Олег Владимирович Полстовалов ултыртты. Ҡояш рәүешендә ултыртылған 30 төп миләш ағасы үҫентеһе һәм уның нурҙары – 40 төп шыршы киләсәктә тирә-яҡты йәмләп үҫеп китер тигән теләктә ултыртылды улар.

Красноусолдағы 1-се мәктәп коллективы ла өмәгә әүҙем сыҡты. Улар “Йәшлек” паркында “Сығарылыш класс уҡыусылары” аллеяһына ҡайын ағастары ултыртты. Коммунистик урамында Күп функциялы үҙәк хеҙмәткәрҙәре тырышлығы менән йәшел шыршылар, ветстанция биләмәһендә - алмағастар һәм зәңгәр шыршылар, ә Ташлы ауылына киткән юлда мәҙәниәт хеҙмәткәрҙәре ултыртҡан 100 төптән ашыу миләш һәм шыршы ағастары үҫәсәк. “Тирмәкәй” балалар баҡсаһы, Көгөш йылғаһы ярында, Красноусолға ингән урында, шулай уҡ райондың бөтә ауыл биләмәләрендә лә йәш аллеялар йәшел урман булып шаулаясаҡ.

Район хакимиәте мәғлүмәте буйынса, яҙ көнө ултыртырға планлаштырылған 70 мең ағастың акция барышында 35 меңе ултыртылған да инде.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59