-15 °С
Болотло
Антитеррор
Бөтә яңылыҡтар
Йәмғиәт
1 Май 2019, 13:52

Өмәгә берҙәм ҡушылдыҡ

27 апрелдә Бурлы ауыл биләмәһе “Ағас ултырт – йәшәү бүләк ит!” ағас ултыртыу акцияһына ҡушылып, был эште Ерек ауылынан башланы.

Өмәгә ауыл халҡы ла дәррәү сыҡты. Шулай уҡ мәҙәниәт йорто, китапхана, ветстанция хеҙмәткәрҙәре әүҙем ҡатнашты. Иң йәш ағас ултыртыусы 9 йәшлек Азат Нәзиров булды. Ул атаһы Рәзил Рәсүл улы менән иҫтәлеккә үҙҙәренең ағасын да ултыртты. Күмәкләгән яу ҡайтарған тигәндәй, 25-ләгән кеше 500-гә яҡын йәш шыршы үҫентеләрен тиҙ арала ултыртып та ҡуйҙы. Алдағы көндәрҙә ағас ултыртыу Байымбәт, Бурлы ауылдарында планлаштырылған, ағас үҫентеләре алынған.

  • Әлфиә Сәлимйәнова.
#зеленаябашкирия