“Үлемһеҙ полк” акцияһы, тантаналы митинг
9 Майҙа “Үлемһеҙ полк” акцияһында ҡатнашыусылар 09.00 сәғәттә Красноусол башҡорт гимназия-интернаты эргәһендә йыйыла.
10.00 сәғәттә район хакимиәте бинаһы ҡаршыһындағы майҙанда хәрби техника парады, тантаналы митинг, Мәңгелек утҡа сәскәләр һалыу, 11.00 сәғәттә байрам концерты була.
9 Майҙа йылдағыса Красноусол ауылы урамдары буйлап еңел атлетика эстафетаһы үтә. Уға старт 11.00 сәғәттә бирелә. Эстафетала мәктәп уҡыусыларынан тыш хеҙмәт коллективтары командалары ла ҡатнаша. 12.00 сәғәттә Красноусол башҡорт гимназия-интернатында һәм Балалар-үҫмерҙәр спорт мәктәбендә ҡатын-ҡыҙҙар командалары араһында волейбол турниры, 12.00 сәғәттә “Йәшлек” ял паркында - футбол, 13.00 сәғәттә Красноусолдағы 1-се һәм 2-се урта мәктәптәрҙә урам баскетболы (стритбол) буйынса район турнирҙары үтәсәк. 15.00 сәғәттә ирҙәр командалары араһында гимназия-интернатта волейбол ярышы башлана.
Ошо уҡ көндө 20.00 сәғәттә район хакимиәте алдындағы М.Ғафури исемендәге майҙанда киске күңел асыу программаһы башлана. Унда район мәҙәниәт һарайының тынлы оркестры, 21.00 сәғәттә "Перевал" вокаль-инструменталь ансамбле сығыш яһай. 22.00 сәғәттә йәштәр өсөн концерт-дискотека, 23.00 сәғәттә Еңеү салюты була.