-18 °С
Болотло
Антитеррор
Бөтә яңылыҡтар
Йәмғиәт
19 Июль 2019, 11:20

Ҡыйыҡтар яңыра

Күп фатирлы йорттарға капиталь ремонт уҙғарыу төбәк программаһы сиктәрендә 2019 йылда Красноусолдағы К.Маркс урамының 3-сө, 5-се һәм Калмыков урамының 11-се һанлы күп фатирлы йорттарының ҡыйығын ремонтлау ҡаралған.

Район хакимиәтенең капиталь төҙөлөш һәм йәшәү тәьминәте бүлеге торлаҡ инспекторы Рузилә Вәлишина әйтеүенсә, К.Маркс урамының 5-се һәм Калмыков урамының 11-се йорттары ҡыйыҡтарын ремонтлауҙы һәм сарҙаҡ япмаһын йылытыуҙы “ТГИ” ЯСЙ-һе субподрядсы ойошмаһы башҡара, генераль подрядсы -“Уралнефтьспецмонтаж” яуаплылығы сикләнгән йәмғиәте.

Әлеге көнгә К.Маркс урамының 5-се йортонда йылытыусы материалдар түшәү, иретмә һалыу тамамланыу өҫтөндә. Калмыков урамындағы йортта әҙерлек эштәренән һуң, төҙөлөш материалдары килтереп ремонтҡа тотонорға торалар.

К.Маркс урамының 3-сө йортон “Стройсервисмонтаж” ЯСЙ-һе алып бара. Бында элекке яҫы ҡыйыҡ урынына сатыр рәүешле яңыһы эшләнә. Тейешле материалдар ваҡытында килтерелгән, эштәр планға ярашлы бара.

Һанап үтелгән күп фатирлы йорттар ҡыйыҡтарын ремонтлауҙы ағымдағы йылдың 3-сө кварталы аҙағына тамамлау күҙаллана.