Аналог телетапшырыуҙары туҡтатылды

Кисә тотош Рәсәй буйынса 20 федераль телеканал аналог телевизион тапшырыуҙы туҡтатты. Түләүле селтәрле IP-телевидение, спутник һәм кабель телевидениеларына тоташҡан абоненттар һанлы телевидениены ҡабул итеүгә автоматик рәүештә күсә. “Һанлы”ға күсмәгәндәр иһә күнегелгән тапшырыуҙар урынына һанлы ТВ-ға нисек тоташырға икәнен өйрәткән ролик күрәсәк. Был ролик аҙна буйы күрһәтеләсәк.

Республика һанлы тапшырыуға күсеүгә әҙер. Башҡортостан Республикаһы Башлығы ҡушыуы буйынса быйыл ғинуарҙан әҙ тәьмин ителгән граждандарға дәүләт ярҙамы саралары күрһәтелә. Бөгөнгө көнгә бындай ярҙамды 7 мең граждан алған. Башҡортостан – һанлы тапшырыу зонаһынан ситтә ҡалған әҙ тәьмин ителгән категория граждандарға спутник ҡорамалдарын урынлаштырыу һәм көйләүҙе башынан аҙағынаса эшләп биреүсе берҙән-бер төбәк.

Өлкәндәргә, ауырлыҡ менән йөрөгән граждандарға ҡорамалды көйләп биреүҙә ирекмәндәр ҙә ныҡлы ярҙам күрһәтә. Әлеге мәлгә 30 меңдән ашыу заявка ҡаралған. Бынан тыш аналогты туҡтатыуҙың 4-се тулҡынына ингән төбәктәр араһында республикала иң күп – 3600-ҙән ашыу ирекмән ҡатнаша.

Халыҡҡа консультация биреү буйынса РТРС федераль операторының 8-800-220-20-02 “ҡыҙыу бәйләнеш” телефонынан тыш төбәк линияһы эшләй: 8-800-347-00-55. Уларға шылтыратып дәүләт ярҙамы тураһында консультация, ҡорамалды көйләүҙә ярҙам алырға мөмкин.

Төбәк каналдарын, шул иҫәптән БСТ-ны аналог режимында тотоп буласаҡ. БСТ-ны ҡабул итеп булһын өсөн универсаль антенна ҡуйырға, йәиһә дециметрлыны урынлаштырғанда метрлыны һаҡлап ҡалдырырға кәрәк. Метрлы антенна булғанда ике инеү урынлы йәки тармаҡлы приставка кәрәк буласаҡ.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59