-17 °С
Болотло
Антитеррор
Бөтә яңылыҡтар
Йәмғиәт
22 Октябрь 2019, 15:06

Тиҙерәк өй туйларға яҙһын!

Районыбыҙҙа торлаҡ шарттарын яҡшыртыуға теләүселәргә “2020 йылғы осорға ауыл биләмәләрен тотороҡло үҫтереү” федераль маҡсатлы программаһы уңышлы эшләй. Ул ауылда йәшәүсе аҙ тәьмин ителгән, ауыл хужалығы тармағында, йә булмаһа социаль өлкәлә эшләүсе граждандарҙың торлаҡ шарттарын яҡшыртыуҙы маҡсат итеп ҡуя.

Ғәмәлдәге программаға ярашлы, торлаҡ шарттарын яҡшыртыу буйынса сиратта торған йәш ғаиләләргә торлаҡ сертификаттары тапшырыла килә. Был аҙнала Красноусолдан Зилиә менән Рәмил Мырҙаяновтар ғаиләһе (бер балалары бар) дәүләттән ошондай ярҙам алып, ҙур ҡыуаныс кисерҙе. 549 мең һумға иҫәпләнгән сертификатты район хакимиәте башлығы Фәнзил Фәйез улы Сыңғыҙов үҙенең эш кабинетында тапшырҙы. Мырҙаяновтар был дәүләт ярҙамын йорт төҙөлөшөн теүәлләүгә йүнәлтәсәк. Ғаилә башлығы ситтә эштә булыу сәбәпле, МФЦ-ла белгес булып эшләгән Зилиә Ринат ҡыҙы сертификатты үҙе генә ҡабул итеп алды. “Йортоғоҙҙо тиҙ арала төҙөп бөтөп, өй туйларға яҙһын!” – тигән теләктәр әйтелде уларға.


Читайте нас в