“Мөхәббәт бәүелсәге”

Родина ауылында йәшәүсе әүҙем йәмәғәтсе, район Сәсәндәр мәктәбе етәксеһе Фәүзиә Ҡотлогилдина-Алтынбикәнең “Мөхәббәт бәүелсәге” тип аталған тағы бер китабы донъя күрҙе. Тышлығында ялан сәскәләре араһында үҙенең фотоһы төшөрөлгән был китап Стәрлетамаҡ ҡала типографияһында баҫылған.

Исеме үк ишаралауынса был китабына шағирә мөхәббәт шиғырҙарын туплаған.

- Күңел ҡартаймай тигәндәре бик дөрөҫ икән. Кемдең күңеленә йылы кәрәк, кем мөхәббәткә һыуһаған - рәхим итһен беҙҙең менән мәңгелек һөйөү иленә, “Мөхәббәт бәүелсәге”нең шиғри тулҡындарында тирбәлергә, - ти Фәүзиә Ҡотлогилдина-Алтынбикә.

Ә бына “Нимә һуң ул мөхәббәт?” шиғырында:

Мөхәббәт – ул күҙгә күренмәй,

Тотоп ҡарауға ла беленмәй.

Уны ишетәһең һүҙҙәрҙән,

Тойоп була ҡараш, күҙҙәрҙән… - тип яҙа ул хисләнеп.

Авторға яңынан-яңы илһамлы шиғырҙар ижад итеүен, ныҡлы һаулыҡ, уңыштар теләп ҡалабыҙ.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59