Оҫталыҡтарын күрһәттеләр

Ғафури районының башҡорт теле һәм әҙәбиәте уҡытыусыларының "Ғафури вариҫтары" командаһы Стәрлебаштағы зона ярышында ҡатнашып, "Мәғарифтың ныҡлы ҡалҡаны" номинацияһында еңеү яуланы.
14 декабрь, башҡорт теле көнөндә Өфө ҡалаһында уҙғарылған йомғаҡлау өлөшөндә Башҡортостан Республикаһының Мәғариф һәм фән министрлығының Дипломы һәм һәр уҡытыусыға Рәхмәт хаты тапшырылды. Ошо мәртәбәле конкурста ҡатнашып, үҙҙәренең эш тәжрибәһе менән бүлешкән, төрлө яҡлап методик оҫталыҡтарын күрһәткән уҡытыусыларға: Ю.Р.Мәүлетҡолов, Э.С.Ҡунафина, М.М.Рәхимова, С.Х.Йәнмырҙина, Д.Ҡ.Абдуллина, А.Ш.Абдуллин, Ф.Ф.Баязитова, Т.М.Шәрипова, И.Р.Шәйәхмәтов, Б.Р.Шәрипов һәм туған телдәр буйынса методист Ә.Ә.Шаһиеваға рәхмәт һүҙҙәрен белдерәбеҙ һәм эштәрендә уңыштар теләйбеҙ. Афариндар!
Көслө лә, рухлы ла беҙҙең башҡорт теле уҡытыусылары!
Эльвера ҠУНАФИНА,
Н.Мәжитов исемендәге КБГИ-ның
башҡорт теле һәм әҙәбиәте уҡытыусыһы.