Яңыртылған тамаша залы үҙ ишектәрен асты

Сарала район хакимиәте башлығының иҡтисади мәсьәләләр буйынса урынбаҫары Ирина Небогатова, мәғариф бүлегенән вәкил Юлия Судовикова, “Башҡортостан” гәзите журналисы Айһылыу Низамова, Сәйетбаба ауылынан Гәүһәр Байбулдина, был ауыл мәктәбенең ҡурайсы малайҙары, ауыл биләмәһенән вәкилдәр, ауыл ағинәйҙәре, мәктәп коллективы, уҡыусылар ҡатнашты.

Заманса итеп йыһазландырылып, күркәм төҫ алған тамаша залына ҡыҙыл таҫманы хөрмәтле ҡунаҡ – Ирина Небогатова менән мәктәп директоры Әлфинә Мәхмүтова киҫте һәм барыһы ла залға үтте. Бер яҡ мөйөштә ауыл оҫталарының ҡул эштәренән күргәҙмә урынлаштырылған. Балаларҙың, уҡытыусыларҙың, ағинәйҙәрҙең сағыу сығыштары һәр кемдең күңеленә хуш килде.