Красноусол балалар баҡсаларында студия һәм клуб асылды

“Тирәккәй” балалар баҡсаһында “Бала саҡ ҡаласығы” мәктәпкәсә белем биреүгә ярҙам һәм үҫеш Фонды гранттар конкурсында еңеү яулап, уның ярҙамында “Йәш патриоттар” студияһы булдырылған. Баҡсаның икенсе ҡатын сағыу итеп патриотизм тематикаһы буйынса биҙәгәндәр. Тамаша залында грант сиктәрендә баҡса коллективы балалар ҡатнашлығында “Салауат Юлаев – башҡорт халҡының данлы улы” тигән фәһемле сара үтте. “Әкиәт” балалар баҡсаһында “Робик һәм Бобик” робототехника клубын асыу буйынса мауыҡтырғыс һәм әһәмиәтле сара үтте.

Балалар баҡсалары коллективтарының шатлығын уртаҡлашырға мәртәбәле ҡунаҡтар: район хакимиәте башлығының иҡтисади мәсьәләләр буйынса урынбаҫары Ирина Небогатова, район мәғариф бүлеге начальнигы вазифаһын башҡарыусы Юлия Судовикова һәм башҡалар килде.