Сарала район хакимиәте башлығы Фәнзил Сыңғыҙов, район Советы рәйесе Фаил Зәйнетдинов, БР Дәүләт Йыйылышы – Ҡоролтай депутаты, БР Дәүләт Йыйылышы – Ҡоролтайҙың Гражданлыҡ йәмғиәте институттарын үҫтереү, мәғлүмәт сәйәсәте һәм дин эштәре буйынса комитеты рәйесе Рөстәм Ишмөхәмәтов, 7-се саҡырылыш БР Дәүләт Йыйылышы – Ҡоролтай депутаты, “Красноусол” шифаханаһы генераль директоры Рәмил Бәҙретдинов, 7-се саҡырылыш БР Дәүләт Йыйылышы – Ҡоролтай депутаты Гөлнур Ҡолһарина, район мәғариф бүлеге начальнигы вазифаһын башҡарыусы Алина Ҡунафина, БР Мәғариф һәм фән министрлығынан вәкилдәр, педагогик хеҙмәт ветерандары, атҡаҙанған уҡытыусылар, мәғариф отличниктары, районыбыҙҙың һәм күрше райондарҙың педагогик берекмәләре, педагогтар һәм уҡыусылар ҡатнашты.
Һәйкәл Мәғариф системаһы үҫешенә булышлыҡ итеү Фондының еңеүле “Уҡытыусы киләсәккә юл ярыусы” проекты һәм район хакимиәте ярҙамы менән ҡалҡып сыҡты. Бронза скульптураның авторы – Красноусолдан Руслан Йомағолов.
Артабан педагогтар район мәҙәниәт һарайында уҙған “Мәғарифта остазлыҡ: мәҙәниәт, идеялар, технологиялар” тигән темаға конференция эшендә ҡатнашты.