Татыу ғаилә – ил күрке Ҡормантау ауылынан Ғиззәтуллиндар ғаиләһенә “Мөхәббәт һәм тоғролоҡ өсөн” миҙалы тапшырылды

60 йыл бергә татыу ғүмер иткән мөхәббәтле ғаилә биш улды (Раил, Рифҡәт, Миҙхәт, Әхмәт, Наил)  бынамын тигән итеп тәрбиәләп үҫтереп, оло тормош юлына сығарған. 13 ейән-ейәнсәрҙәрен, өс бүлә-бүләсәрҙәрен ҡәҙерләп-һөйөп кенә тора улар. Бөгөн улдарының иң кесеһе Наил, килендәре Ләйсән, ейәнсәрҙәре Аделия, Эмилия, Йәсминә менән бергә төп йортта бәхетле ҡартлыҡтарын кисереп ғүмер йомғағын һүтәләр. Был көн Ғиззәтуллиндар өсөн икеләтә һөйөнөслө булды, быйыл бергә йәшәүҙәренең 60 йыллығын – гәүһәр (бриллиант) туйҙарын билдәләүсе ғаилә булараҡ, уларға республика Башлығы Р.Ф.Хәбировтың Ҡотлауы һәм иҫтәлекле бүләге тапшырылды.